Yaponiya Rossiyaning Ukrainadagi urushini qo‘llab-quvvatlovchi shaxslar va guruhlarga qarshi sanksiyalarning yangi bosqichi doirasida Xitoy kompaniyalariga savdo cheklovlarini joriy qildi.
Reuters agentligining yozishicha, yangi sanksiyalar boshqa mamlakatlar kompaniyalariga ham qaratilgan. Qayd etilishicha, Yaponiya Ukrainadagi urush munosabati bilan Xitoy kompaniyalariga nisbatan birinchi marta sanksiyalar kiritmoqda.
Sanksiyaga uchragan kompaniyalar orasida rus dronlari uchun mikrochiplar yetkazib bergan Gonkongda joylashgan Asia Pacific Links Ltd va Xitoyning Yilufa Electronics Limited kompaniyalari bor.
Boshqa davlatlar, shu jumladan Qo'shma Shtatlar tomonidan joriy qilingan oldingi choralarga mos keladigan sanksiyalar yapon kompaniyalariga ushbu firmalarga mahsulot eksport qilishni taqiqlaydi.
Avvalroq AQSh rasmiylari Xitoy Rossiyaning Ukrainadagi harbiy sa'y-harakatlarini qo'llab-quvvatlayotganini aytib o‘tgandi.
O‘tgan hafta Qo‘shma Shtatlar Rossiyaga qarshi sanksiyalarni kengaytirdi, jumladan, Moskvaga yarimo‘tkazgichlar sotuvchi Xitoy kompaniyalariga ham sanksiyalar joriy qildi.
Pekin va Moskva ikki tomonlama to'lovlarni ta'minlash bo'yicha bir qator choralar ko'rmoqda, bu Xitoyning ayrim moliyaviy kompaniyalarini sanksiyalarga duchor qilishi mumkin.
Izoh (0)