Microsoft asoschisi Bill Geyts o‘zining TerraPower kompaniyasi tomonidan amalga oshirilayotgan Vayoming shtatidagi atom elektr stansiyasi loyihasiga milliardlab sarmoya kiritishni rejalashtirmoqda.
Men bir milliard dollardan ortiq sarmoya kiritdim va yana milliardlab sarmoya kiritaman, — dedi u.
Ma’lum bo‘lishicha, loyiha sovitilgan reaktordan foydalanadigan atom elektr stansiyasini qurishni nazarda tutadi. Stansiyani 2030-yilgacha foydalanishga topshirish rejalashtirilmoqda. Bu oxirgi o‘n yilliklar ichida Qo‘shma Shtatlardagi issiqxona gazlari chiqindilari va iqlim o‘zgarishi bilan bog‘liq bo‘lmagan birinchi tijorat yadroviy loyihadir.
Geytsga ko‘ra, Xitoy hozirda eng ko‘p yadroviy reaktorlarni qurmoqda, ammo Qo‘shma Shtatlar innovatsion texnologiyalardan foydalangan holda raqobatbardosh bo‘lishi mumkin.
Geyts, shuningdek, loyihani ishga tushirish 2028-yilga mo‘ljallanganini, biroq vaqtni surishga to‘g‘ri kelganini aytgan. Dastlabki rejaga ko‘ra, uran yoqilg‘isi Rossiyadan sotib olinishi kerak edi, biroq Rossiya-Ukraina urushi tufayli yetkazib beruvchi o‘zgargan.
Avvalroq AQSH prezidenti Jo Bayden Rossiyada yoki Rossiya korxonalari tomonidan ishlab chiqarilgan past boyitilgan uran importini taqiqlovchi qonunni imzolagan edi. Milliy xavfsizlik bo‘yicha maslahatchi Jeyk Sallivanning tushuntirishicha, bu chora yadroviy energetika bo‘yicha Rossiyaga qaramlikni kamaytirish va oxir-oqibat yo‘q qilish orqali Qo‘shma Shtatlarning energetika va iqtisodiy xavfsizligini mustahkamlash uchun mo‘ljallangan.
Izoh (0)