May oyi oxirida Buyuk Britaniyaning davlat qarzi 2,74 trillion funt sterlingni yoki yalpi ichki mahsulotning (YIM) 99,8 foizini tashkil etdi. Bu haqda Britaniya Milliy statistika boshqarmasi ma’lum qildi.
Bu mamlakat uchun so‘nggi 63 yildagi rekord ko‘rsatkichdir. Buyuk Britaniyaning qarzi oxirgi marta 1961-yilda yalpi ichki mahsulotga nisbati 100 foizga yaqin bo‘lgan. Keyin u 99,4 foizgacha qisqardi. O‘tgan yilning may oyida mamlakatning davlat qarzi yalpi ichki mahsulotga nisbatan 96,1 foizni tashkil etgandi.
“Keyingi moliya vaziri moliyaviy Pandora qutisiga duch keladi. Foiz stavkalari yuqori bo‘lib qoladi, qarzni kamaytirish qiyinroq bo‘ladi va xarajatlar bosimi kuchayishda davom etadi”, — dedi KPMG konsalting kompaniyasining Buyuk Britaniyaning katta iqtisodchisi Maykl Stelmach.
Izoh (0)