Май ойи охирида Буюк Британиянинг давлат қарзи 2,74 триллион фунт стерлингни ёки ялпи ички маҳсулотнинг (ЯИМ) 99,8 фоизини ташкил этди. Бу ҳақда Британия Миллий статистика бошқармаси маълум қилди.
Бу мамлакат учун сўнгги 63 йилдаги рекорд кўрсаткичдир. Буюк Британиянинг қарзи охирги марта 1961 йилда ялпи ички маҳсулотга нисбати 100 фоизга яқин бўлган. Кейин у 99,4 фоизгача қисқарди. Ўтган йилнинг май ойида мамлакатнинг давлат қарзи ялпи ички маҳсулотга нисбатан 96,1 фоизни ташкил этганди.
“Кейинги молия вазири молиявий Пандора қутисига дуч келади. Фоиз ставкалари юқори бўлиб қолади, қарзни камайтириш қийинроқ бўлади ва харажатлар босими кучайишда давом этади”, — деди KPMG консалтинг компаниясининг Буюк Британиянинг катта иқтисодчиси Майкл Стелмач.
Изоҳ (0)