Ish haftasi oxirigacha O‘zbekiston hududi bo‘yicha issiq ob-havo saqlanib turadi, deb xabar bermoqda “O‘zgidromet”.
Ma’lum qilinishicha, kunduzgi havo harorati 34-39 daraja atrofida, shimolda, janubda va cho‘l hududlarda 41 darajagacha issiq bo‘ladi.
Tog‘li hududlarda baʼzi joylarda qisqa muddatli yomg‘ir yog‘adi va momaqaldiroq bo‘ladi.
Tekislik hududining katta qismida yog‘ingarchilik kutilmaydi, faqat O‘zbekistonning markaziy va sharqiy hududlarida kechga tomon havo bulutli bo‘ladi, baʼzi joylarda momaqaldiroq kuzatiladi, ayrim joylarda biroz qisqa muddatli yomg‘ir yog‘ishi etimoli bor.
Sharqiy yo‘nalishdagi shamol 7-12 metr/sekund tezlikda esadi, baʼzi joylarda 15-20 metr/sekundgacha kuchayishi, ayrim joylarda chag-to‘zon bilan kuzatilishi mumkin.
Toshkentda asosan yog‘ingarchiliksiz ob-havo kuzatiladi, faqat kechga tomon momaqaldiroq bo‘lishi, shaharning ayrim joylarida biroz yomg‘ir yog‘ishi mumkin. Harorat kechasi 20-25 daraja, kunduzi 35-38 daraja bo‘ladi.
Izoh (0)