Argentina hukumati Ukrainadagi mojaroga aralashib, Kiyevga harbiy yordam yuborish niyatida emas. Bu haqda Janubiy Amerika Respublikasi prezidentining rasmiy vakili Manuel Adorni ma'lum qildi.
“Biz hech qanday harbiy yordam bermaymiz. Biz gumanitar yordam, logistika va hududni minalardan tozalashda yordam beramiz, ammo harbiy mojaroga hech qanday tarzda aralashmaymiz”, — dedi u matbuot anjumanida.
Adornining so‘zlariga ko‘ra, Argentinaning harakatlarini Rossiyaga nisbatan dushmanlik sifatida baholab bo‘lmaydi.
“Mening tushunchamga ko‘ra, dushmanlik harakatlari qurol-yarog‘ yuborish, harbiy mojaroda qatnashishdir”, — dedi u.
Avvalroq Infobae portali Argentina tashqi ishlar vaziri Diana Mondino fransiyalik hamkasbi Stefan Sejournet va Amerika prezidentining milliy xavfsizlik bo‘yicha yordamchisi Jeyk Sallivan bilan Fransiyada ishlab chiqarilgan beshta Super Etendard hujumchi samolyotini Ukrainaga o‘tkazish imkoniyatini muhokama qilgani haqida xabar bergan edi. Rossiyaning Argentinadagi elchisi Dmitriy Feoktistovning aytishicha, argentina tomoni muzokaralar olib borishni inkor etmagan, ammo oxir-oqibat samolyotni yetkazib bermasligini ma’lum qilgan.
Rossiyalik diplomat, shuningdek, Argentina mudofaa vaziri Luis Petrining Ukrainaga harbiy yordam ko‘rsatish bo‘yicha aloqa guruhidagi ishtirokidan hafsalasi pir bo‘lganini bildirdi.
Izoh (0)