Қурбон ҳайити муносабати билан Ўзбекистон президенти Шавкат Мирзиёев номига хорижий давлатлар ва ҳукуматлар етакчи халқаро ва минтақавий ташкилотлар раҳбарларидан, таниқли жамоат ва дин арбобларидан самимий табриклар келмоқда. Бу ҳақда давлат раҳбарининг матбуот хизмати хабар берди.
Қутловларда давлат раҳбари ва Ўзбекистоннинг кўп миллатли халқига ҳурмат-эътибор сўзлари, тинчлик-осойишталик ва равнақ тилаклари изҳор этилган ҳамда дўстлик ва кўп қиррали ҳамкорликни бундан буён ҳам ҳар томонлама мустаҳкамлашга қатъий интилиш билдирилган.
Жумладан, қуйидагилар ўз табрикларини йўллаган:
- Икки Муқаддас Масжид ходими, Саудия Арабистони подшоҳи Салмон ибн Абдулазиз ал Сауд;
- Саудия Арабистони валиаҳди, Вазирлар Кенгаши раиси Муҳаммад ибн Салмон ибн Абдулазиз ал Сауд;
- Туркия президенти Ражаб Тоййиб Эрдўғон;
- Миср президенти Абдулфаттоҳ ас-Сиси;
- Қозоғистон президенти Қосим-Жўмарт Тўқаев;
- Қирғизистон президенти Садир Жапаров;
- Тожикистон президенти Эмомали Раҳмон;
- Туркманистон президенти Сердар Бердимуҳамедов;
- Туркман халқининг миллий етакчиси, Туркманистон Халқ Маслаҳати раиси Гурбангули Бердимуҳамедов;
- Озарбайжон президенти Илҳом Алиев;
- Бирлашган Араб Амирликлари президенти Шайх Муҳаммад бин Зоид ал Наҳаён;
- Бирлашган Араб Амирликлари вице-президенти, Бош вазири, Дубай амирлиги ҳокими Шайх Муҳаммад бин Рошид ал Мактум;
- Бирлашган Араб Амирликлари вице-президенти, бош вазири ўринбосари, Президент ишлари бўйича вазири Шайх Мансур бин Зоид ал Наҳаён;
- Бирлашган Араб Амирликлари бош вазири ўринбосари, ички ишлар вазири Шайх Сайф бин Зоид ал Наҳаён;
- Саудия Арабистони давлат вазири, Вазирлар Кенгаши аъзоси Турки бин Муҳаммад бин Фаҳд бин Абдулаиз ал Сауд;
- Кувайт амири Шайх Мишъал ал-Аҳмад ал-Жобир ас-Сабоҳ;
- Кувайт валиаҳди Сабоҳ Ҳолид ал-Ҳамад ал-Муборак ас-Сабоҳ;
- Иордания подшоҳи Абдулла II;
- Марокаш подшоҳи Муҳаммад VI;
- Жазоир Халқ Демократик Республикаси президенти Абдулмажид Теббун;
- Фаластин президенти Маҳмуд Аббос;
- Туркий давлатлар ташкилоти бош котиби Кубаничбек Омуралиев;
- Иқтисодий ҳамкорлик ташкилоти бош котиби Ҳусрав Нозирий;
- Ислом ҳамкорлик ташкилоти бош котиби Ҳусайн Иброҳим Тоҳа;
- Кавказ мусулмонлари идораси раиси шайхулислом Оллоҳшукур Пошшозода.
Қутловлар келиши давом этмоқда.
Куни кеча Шавкат Мирзиёев Ўзбекистон халқини Қурбон ҳайити билан табриклаган эди. Давлат раҳбари ўз табригида қисқа муддатда Имом Бухорий, Имом Термизий ва Имом Мотуридий халқаро илмий марказлари ташкил этилгани, Абу Исо Термизий, Абу Муин Насафий, Султон Увайс Қараний, Сузук ота ёдгорлик мажмуалари тубдан обод қилинганини қайд этган.
Изоҳ (0)