BMTning inson huquqlari bo‘yicha mustaqil xalqaro komissiyasi Isroil va bir qancha Falastin tashkilotlarini urush jinoyatlarida aybladi. Bu haqda Deutsche Welle xabar berdi.
Komissiya hisobotiga ko‘ra, Isroil insoniyatga qarshi jinoyatlarni, falastinlik erkak va o‘g‘il bolalarga nisbatan ularni yo‘q qilish, o‘ldirish, jinsiy ta’qib qilish, majburan ko‘chirish, qiynoqlar sodir etgan va g‘ayriinsoniy muomalada bo‘lgan.
Komissiya, shuningdek, HAMAS va boshqa olti nafar Falastin rasmiylarining 7-oktyabr kungi harakatlari, shuningdek, Isroilning davomli raketa hujumlarini ham urush jinoyati sifatida baholagan.
HAMAS va Falastin qurolli guruhlari raketa hujumlarini zudlik bilan to‘xtatib, barcha garovga olinganlarni ozod qilishlari kerak, — deyiladi hujjatda.
Hisobotda ta’kidlanishicha, G‘azoda tinch aholining qurbon bo‘lishi va fuqarolik obyektlari va infratuzilmalarining keng miqyosda vayron bo‘lishi Isroilning farqlash, mutanosiblik va ehtiyotkorlik tamoyillarini e’tiborsiz qoldirib, maksimal zarar yetkazish niyatida amalga oshirgan strategiyasining muqarrar natijasidir.
Isroil komissiyani noxolislikda aybladi
Komissiya raisi, BMTning Inson huquqlari bo‘yicha sobiq oliy komissari Navi Pillayga ko‘ra, Isroil zudlik bilan o‘z jangovar harakatlarini to‘xtatishi, HAMAS esa Isroil hududiga raketa uchirishni bas qilishi kerak.
Hujjat mualliflariga ko‘ra, Tel-Aviv komissiyaning tekshiruvlari va jangovar hududga kirishiga to‘sqinlik qilgan. BMT ushbu hisobot 19-iyun kuni Jenevada bo‘lib o‘tadigan BMT Inson huquqlari kengashining 56-sessiyasida davlatlarga taqdim etilishini ma’lum qilgan.
Izoh (0)