Samarqand viloyatining Qo‘shrabot tumanida 1,1 mlrd so‘mlik kreditni o‘zlashtirgan MCHJlar aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, o‘tkazilgan tergovga qadar tekshiruvda “N.B.” MCHJ va “K.N.” dehqon xo‘jaligi rahbari D.B., “N.Z.” MCHJ rahbari B.D. va boshqalar tijorat banki hududiy filialidan ajratilgan kredit evaziga burg‘ilash uskunalarini sotib olmasdan, rasmiy hujjatlarga soxta maʼlumotlar kiritish orqali jami 1,1 mlrd so‘m kredit mablag‘ini o‘zlashtirish yo‘li bilan talon-toroj qilgani aniqlangan.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)