Xitoy kinosi tobora kuchayib bormoqda. Quyida nafaqat iste’dodi va xarizmasi, balki ajoyib tashqi ko‘rinishi bilan ham tomoshabinlarni o‘ziga tortadigan, eng ko‘p gonorar oladigan aktyor va aktrisalar haqida ma’lumot beramiz.
Jeki Chan
Daromadi: yiliga 400 million dollardan ortiq
Aktyor, kaskadyor, kinorejissyor, kinoprodyuser, ssenariynavis, jangchi rejissyor, xonanda... Ha, ha, bularning barchasi taniqli Jeki Chan haqida. Uning ishtirokidagi loyihalar soni 300 dan oshadi. Hatto olimlar ham Channing iste’dodiga qoyil qolishgan: to‘rt yil oldin pardaqanotlilarning yangi turiga uning nomi berilgan.
Fan Binbin
Daromadi: yiliga 100 million dollardan ortiq
Aktrisa Fanning filmografiyasi har qanday odamni hayratda qoldiradi: u 60 dan ortiq film va teleseriallarni o‘z ichiga oladi, ularning yarmi kino tanqidchilarining yuqori reytinglari ega. Bundan tashqari, aktrisa nafaqat mahalliy, balki xorijiy filmlarda ham faol ishtirok etadi. Masalan, uni “Temir odam 3” va “X-odamlar” filmlarida ko‘rish mumkin.
Dilrabo Dilmurat
Daromadi: yiliga 15 million dollardan ortiq
Dilrabo go‘zal qiyofasi bilan bir zumda tomoshabinlar e’tirofiga sazovor bo‘ldi. Faoliyatining boshida u “Brilliant oshiq” serialida rol o‘ynadi va “Eng yaxshi yangi aktrisa” nominatsiyasida China TV Drama mukofotini qo‘lga kiritadi. Shundan so‘ng “Uch hayot, uch dunyo”, “Qirolning rafiqasi” va boshqa ko‘plab muvaffaqiyatli loyihalarda ishtirok etadi.
Lu Xan
Daromadi: yiliga 10 million dollardan ortiq
Luning karyerasi 2011-yilda EXO musiqiy guruhiga qo‘shilganida boshlangan. To‘rt yil o‘tgach, taqdir uni kinoga boshlaydi: besh yil ichida Lu 15 dan ortiq film va teleseriallarda, jumladan, mashhur “Guvoh” va “Krossfayer” filmlarida rol o‘ynaydi. Hozir 34 yoshli Xan o‘zini musiqaga bag‘ishlagan.
Yan Yan
Daromadi: yiliga 8 million dollardan ortiq
Yan nafaqat iste’dodli aktyor, qo‘shiqchi, raqqos, balki model hamdir. Uning mehribon ko‘zlari va uyatchan tabassumi 2007-yilda, yigit “Qizil palatadagi orzu” teleserialida suratga tushganida teletomoshabinlarni hayratda qoldiradi. O‘shandan beri Yan o‘ttizga yaqin filmda rol o‘ynaydi, mashhur ko‘ngilochar shou qahramoniga va bir nechta hashamatli brendlarning yuziga aylanadi. 2016-yilda Yan tasviri Xitoy pochta markalarida bosilgan birinchi artist bo‘ladi va bir yildan so‘ng uning mumdan yasalgan haykali Shanxaydagi Madam Tyusso ko‘rgazmasida namoyish etiladi.
Van Ibo
Daromadi: yiliga 6 million dollardan ortiq
Van 26 yoshda va u allaqachon o‘zini aktyor, qo‘shiqchi, raqqos, mototsikl poygachisi va hatto o‘t o‘chiruvchi sifatida ko‘rsata olgan. “E’tiqod urushi”, “Qahramon bo‘lish”, “Mening g‘alati do‘stim” va “Loyan shamoli” dramalarini tomosha qilganda Iboning mahoratiga tan berish mumkin. Van halol mehnati evaziga topgan pullarini xayriya ishlariga ham sarflaydi.
Izoh (0)