Хитой киноси тобора кучайиб бормоқда. Қуйида нафақат истеъдоди ва харизмаси, балки ажойиб ташқи кўриниши билан ҳам томошабинларни ўзига тортадиган, энг кўп гонорар оладиган актёр ва актрисалар ҳақида маълумот берамиз.
Жеки Чан
Даромади: йилига 400 миллион доллардан ортиқ
Актёр, каскадёр, кинорежиссёр, кинопродюсер, сценарийнавис, жангчи режиссёр, хонанда... Ҳа, ҳа, буларнинг барчаси таниқли Жеки Чан ҳақида. Унинг иштирокидаги лойиҳалар сони 300 дан ошади. Ҳатто олимлар ҳам Чаннинг истеъдодига қойил қолишган: тўрт йил олдин пардақанотлиларнинг янги турига унинг номи берилган.
Фан Бинбин
Даромади: йилига 100 миллион доллардан ортиқ
Актриса Фаннинг фильмографияси ҳар қандай одамни ҳайратда қолдиради: у 60 дан ортиқ фильм ва телесериалларни ўз ичига олади, уларнинг ярми кино танқидчиларининг юқори рейтинглари эга. Бундан ташқари, актриса нафақат маҳаллий, балки хорижий фильмларда ҳам фаол иштирок этади. Масалан, уни “Темир одам 3” ва “Х-одамлар” фильмларида кўриш мумкин.
Дилрабо Дилмурат
Даромади: йилига 15 миллион доллардан ортиқ
Дилрабо гўзал қиёфаси билан бир зумда томошабинлар эътирофига сазовор бўлди. Фаолиятининг бошида у “Бриллиант ошиқ” сериалида рол ўйнади ва “Энг яхши янги актриса” номинациясида China TV Drama мукофотини қўлга киритади. Шундан сўнг “Уч ҳаёт, уч дунё”, “Қиролнинг рафиқаси” ва бошқа кўплаб муваффақиятли лойиҳаларда иштирок этади.
Лу Хан
Даромади: йилига 10 миллион доллардан ортиқ
Лунинг карьераси 2011 йилда EХО мусиқий гуруҳига қўшилганида бошланган. Тўрт йил ўтгач, тақдир уни кинога бошлайди: беш йил ичида Лу 15 дан ортиқ фильм ва телесериалларда, жумладан, машҳур “Гувоҳ” ва “Кроссфаер” фильмларида рол ўйнайди. Ҳозир 34 ёшли Хан ўзини мусиқага бағишлаган.
Ян Ян
Даромади: йилига 8 миллион доллардан ортиқ
Ян нафақат истеъдодли актёр, қўшиқчи, раққос, балки модел ҳамдир. Унинг меҳрибон кўзлари ва уятчан табассуми 2007 йилда, йигит “Қизил палатадаги орзу” телесериалида суратга тушганида телетомошабинларни ҳайратда қолдиради. Ўшандан бери Ян ўттизга яқин фильмда рол ўйнайди, машҳур кўнгилочар шоу қаҳрамонига ва бир нечта ҳашаматли брендларнинг юзига айланади. 2016 йилда Ян тасвири Хитой почта маркаларида босилган биринчи артист бўлади ва бир йилдан сўнг унинг мумдан ясалган ҳайкали Шанхайдаги Мадам Тюссо кўргазмасида намойиш этилади.
Ван Ибо
Даромади: йилига 6 миллион доллардан ортиқ
Ван 26 ёшда ва у аллақачон ўзини актёр, қўшиқчи, раққос, мототцикл пойгачиси ва ҳатто ўт ўчирувчи сифатида кўрсата олган. “Эътиқод уруши”, “Қаҳрамон бўлиш”, “Менинг ғалати дўстим” ва “Лоян шамоли” драмаларини томоша қилганда Ибонинг маҳоратига тан бериш мумкин. Ван ҳалол меҳнати эвазига топган пулларини хайрия ишларига ҳам сарфлайди.
Изоҳ (0)