Kitoblar — boshqa dunyoga kirish portalidir. Vaqtlar o‘tsa-da, o‘z ahamiyatini yo‘qotmaydigan mashhur bolalar san’at asarlarini taqdim etamiz. Ehtimol, ular tufayli ba’zi savollaringizga javob toparsiz.
“Alisa mo‘jizalar mamlakatida”, Lyuis Kerroll
“O‘z o‘rningda qolish uchun imkon qadar tezroq yugurishing kerak va biror joyga borish uchun kamida ikki barobar tezroq yugurish kerak”.
Qiziquvchan va jasur qiz Alisa xayoliy dunyoga sayohatga qiladi. U yerda qiz sehrli ichimlik ichadi, g‘aroyib qahramonlar bilan uchrashadi, kirpi bilan kroket o‘ynaydi va hatto sud majlisida qatnashadi. Shuningdek, u vaqtni qadrlashni o‘rganadi, boshini baland ko‘targan holda oldidan chiqqan qiyinchiliklarni yengib o‘tadi va har qanday vaziyatdan chiqish yo‘lini izlaydi.
“Vinni Pux”, Alan Aleksandr Miln
“Sen har doim o‘rmon burchagida o‘tirib, boshqalar kelishini kuta olmaysan. Ba’zan ularning oldiga o‘zing borishingga to‘g‘ri keladi”.
Darhaqiqat, Vinni Pux ahmoqona tasodif tufayli noqulay vaziyatlarga tushib qoladi, aslida u befarq va xayolparast ayiq emas. Alan Miln qahramoni — mehribon faylasuf, u boshqalarni chin dildan sevishni va qadrlashni, shuningdek, dunyoga va unda sodir bo‘layotgan barcha narsalarga ijobiy nuqtayi nazardan qarashni biladi. Vinnining birinchi qarashda sodda ko‘ringan so‘zlarida chuqur ma’no bor.
“Zumrad shahar sehrgari”, Aleksandr Volkov
“Sizlar jasur jonivorsiz! Sizga yetishmayotgan yagona narsa — o‘zingizga bo‘lgan ishonch. Har bir tirik mavjudot xavfdan qo‘rqadi va jasorat qo‘rquvni yengishdadir”.
Yana bir qiz xayoliy mamlakatga boradi va ajoyib voqealarning guvohi bo‘ladi. Elli ismli bosh qahramon fidoyi Totoshka bilan birga do‘stlar orttiradi, kerak bo‘lganda ularni qutqaradi va ertak hayoti uni qanday ajablantirmasin, umidini yo‘qotmaydi. Asar sahifalari hayotning ma‘nosi, baxt, sevgi, do‘stlik va mehribonlik haqidagi falsafiy munozaralar bilan to‘la.
“Kichkina shahzoda”, Antuan de Sent-Ekzyuperi
“Odamlar tezyurar poyezdlarga o‘tirishadi, lekin ular nima izlayotganini tushunmaydilar. Shuning uchun xotirjamlikni bilishmaydi va bir tomonga shoshilishadi, keyin boshqa tomonga ... Bularning barchasi behuda”.
Cho‘lda qo‘nishga majbur bo‘lgan va uning cheksiz kengliklarida mitti bolakayni uchratgan uchuvchi haqidagi g‘amgin kitob. Bolakay uchuvchi bilan yolg‘izlik, inson tabiati, sadoqati va sayyoramizning har bir aholisining atrofidagi dunyo uchun javobgarligi haqidagi taassurotlari bilan o‘rtoqlashadi. Yosh qahramon, ayniqsa, qalbning “qattiqlashishi”, sevgi va do‘stlik haqida qayg‘uradi. Har yili dunyo bo‘ylab besh millionga yaqin odam ushbu asarni sotib olishi ajablanarli emas.
“Qaroqchi qizi Roni”, Astrid Lindgren
“Biror kishini shunchalik sevish qanchalik ajoyibki, hatto hayotdagi eng yomon narsadan ham qo‘rqmaslik kerak”.
Kunlarning birida jasur va xushmuomala Roni bezori Birkni uchratib qoladi. Qiz avvaliga unga ishonmaydi, biroq ota-onasining e’tirozlariga qaramay, tez orada uning yaqin do‘stiga aylanadi. Yangi do‘stlar hatto uydan qochib ketishadi — ular birgalikda o‘zlarini juda yaxshi his qilishadi, ular kattalarning yo‘l-yo‘rig‘iga ergashishga hali tayyor bo‘lishmaydi. Yosh qahramonlar qalbga quloq solish, har qanday sharoitda ham fikrini himoya qilish, chin do‘stlikni qadrlash naqadar muhimligini o‘z misolida isbotlaydi.
Izoh (0)