Ko‘p qismli seriallarning nimasi yaxshi? Sevimli filmingizni uzoq vaqt tomosha qilasiz. Ammo hammaning ham eng qiziqarli seriallarning 10-20 faslini ko‘rishga vaqti yo‘q. Shuning uchun sizni hech narsaga majburlamaydigan mini seriallarni tavsiya qilamiz: ularni bir oqshomda ko‘rib tugatishingiz mumkin.
“Muhabbat jangi”, 2022/10 qism
Har narsada bir-biriga taslim bo‘lishni istamaydigan erkak va ayol o‘rtasidagi munosabatlar haqidagi hikoya.
“Qasos nomidan” 2021 / 8 qism
Otasining o‘limi uchun qasos olish maqsadida o‘rta maktab o‘quvchisi politsiyaga yordam beradi.
“Zaif qahramon” 2022 / 8 qism
Yosh Shi Eun zaiflarga nisbatan zo‘ravonlik va zulm avj olgan maktabning eng yaxshi o‘quvchisi. Bo‘yi past va zaif ko‘rinsa-da, o‘z aql-zakovati bilan maktab ichida va tashqarisida zo‘ravonlikka qarshi kurashadi.
“Birinchi raqamli saundtrek” 2022/4 qism
Yigit yosh fotograf. Qiz esa qo‘shiqlarga matn yozish orqali pul ishlab topadi. Ular bolalikdan — 20 yildan beri do‘st, ammo birdaniga shunday vaziyatlar yuzaga keladiki, ular bir tom ostida yashashga majbur bo‘lishadi.
“Ajoyib do‘stlar” 2022/8 qism
To‘rt nafar qadrdon do‘st — ikki yigit va ikki qiz moda sanoatida orzularini ro‘yobga chiqarishga intiladi.
“Sehr ovozi” 2022/6 qism
O‘rta maktab o‘quvchisi Yun Ah Yi erta katta bo‘lishiga to‘g‘ri keladi. U ishlashi, singlisini boqishi kerak. Bir kuni u uchib yurgan banknotni quvib yurib, tashlandiq istirohat bog‘ida sirli sehrgarni uchratadi.
“Qo‘shimcha mashg‘ulot”, 2020/10 qism
O‘rta maktabning a’lochi o‘quvchisi Chi Su ota-onasisiz yashaydi. Universitetda o‘qish uchun pul yig‘ish va tirikchilik qilish uchun yigit jinoiy faoliyat orqali pul topishga majbur. Bir kuni badavlat oiladagi sinfdoshi uning sirini bilib qoladi.
“Do‘zahdagi begonalar”, 2019/10 qism
Serialda kompaniyadagi stajirovkadan so‘ng Seulga ko‘chib o‘tgan Yun Jung Vu ismli yigit haqida hikoya qilinadi. Yigit o‘ziga kvartira qidirib, umumiy yotoqxonada yashashga qaror qiladi, ammo bu yerda uni dahshatli qo‘shnilar kutmoqda.
“Jannat sari” 2021/10 qism
Bir kuni Geu Runing otasi vafot etadi va u yolg‘iz qoladi, lekin uning
uning hayotida amakisi Jo Sang Gu paydo bo‘ladi. Ko‘rinishidan u sovuqqon, yana kamiga qamoqda ham o‘tirib chiqqan. Endi u Geu Runing vasiysiga aylanadi va ular birgalikda oilaviy biznesni boshqarishda davom etadilar.
“To‘ng‘izlar qiroli”, 2022 / 12 qism
Maktabdagi zo‘ravonlik qurboni bo‘lgan ikki do‘st haqidagi hikoya. Ulardan biri seriyali qotilga aylanadi, ikkinchisi esa politsiyaga ishga kiradi va sobiq do‘stini qo‘lga olish uchun hayotini xavf ostiga qo‘yadi.
Izoh (0)