Janubiy Koreya Shimoliy Koreyaning chiqindi ortilgan havo sharlari hujumlariga javoban chegarada tashviqot eshittirishlarini qaytadan boshlaydi. Bu haqda Koreya prezidenti administratsiyaga tayanib, Yonhap agentligi xabar berdi.
Janubiy Koreya hukumati o‘z ko‘rsatuvlarini shimolga uzatish uchun chegaraga ovoz kuchaytirgichlar o‘rnatishini aytdi. Qizig‘i shundaki, janubliklar avvalroq KXDR armiyasi va chegaradosh hududlardagi aholisiga psixologik ta’sir o‘lchovi sifatida ovoz kuchaytirgichlardan foydalangan, biroq 2018-yilning may oyida ularni demontaj qilgan.
Hukumat jamoat va milliy xavfsizlikni taʼminlash maqsadida Shimoliy Koreyaning har qanday provokatsiyalariga qarshi turishga qatʼiy va to‘liq shay holatda bo‘ladi, — deya taʼkidladi Koreya milliy xavfszilik xizmati.
May oyining oxiridan beri Shimoliy Koreya Janubiy Koreya tomon mingdan ortiq havo sharlari uchirdi. Ularga turli xil chiqindilar, jumladan, hojatxona qog‘ozi, go‘ng, plastik butilkalar, batareyalar va poyabzal qismlari ortilgandi.
Izoh (0)