AQSH ma’muriyati Kongressdan olingan huquqdan foydalanib, Rossiyaning muzlatilgan aktivlarini musodara qilmoqchi. Bu haqida AQSH davlat kotibi Entoni Blinken Kiyevdagi uchrashuvda ma’lum qildi. Uning nutqi Davlat departamenti matbuot xizmati tomonidan efirga uzatildi.
“Kongressimiz bizga Rossiyaning AQSHdagi aktivlarini hibsga olish vakolatini berdi. Biz bu vakolatdan foydalanish niyatidamiz”, dedi u.
Blinkenning eslatishicha, Vashington bu masalani G7 hamkorlari bilan muhokama qilmoqda. Uning ta’kidlashicha, musodara qilingan mablag‘lar Ukrainaga turli yordamlar uchun sarflanishi mumkin.
Aprel oyida AQSH Kongressi Rossiyaning Amerika hududida muzlatilgan aktivlarini musodara qilish huquqini beruvchi qonunni qabul qilgandi.
Izoh (0)