Indoneziya sudi Muhammad ismi haqida hazil qilgan qiziqchi Auliya Rahmonni 7 oylik qamoq jazosiga hukm qildi. Bu haqda mahalliy huquqshunosga tayanib, Al Arabiya xabar berdi.
Auliya Rahmon dekabr oyida bo‘lib o‘tgan tadbirda stendap hazillari orqali nafratni tarqatganlikda aybdor deb topilgan. U Muhammad kabi ismlar Indoneziyada shu ismni ko‘tarib yurgan ko‘plab yomon xulqli odamlar sababli o‘zining ijobiy ma’nosini yo‘qotganini aytib, hazillashgan.
Muhammad — aholisi asosan musulmon bo‘lgan davlatlarda eng ko‘p qo‘yilgan erkak ismlaridan biridir. Auliya kufr bo‘yicha qamoqqa tashlangan, mazkur ayblov bo‘yicha maksimal jazo besh yil hisoblanadi. Biroq sud erkakka yetti oylik qamoq jazosini bergan.
Ayblanuvchi o‘z qilmishini tan olgan va pushaymon bo‘lgan, sudda o‘zini yaxshi tutgan, u hech qachon sudlanmagan, — deyiladi xabarda.
Indoneziyada oltita rasmiy dinlardan biriga zid bo‘lgan bayonotlar berish yoki kimnidir ushbu dinlardan biriga amal qilishiga to‘sqinlik qilishga urinish taqiqlanadi.
Izoh (0)