Қрим бюджетига украиналик олигархларнинг миллийлаштирилган активларини сотиш натижасида 2,1 миллиард рублдан ортиқ (Салкам 23,6 миллион доллар) маблағ келиб тушди.Бу ҳақда “РИА Новости” хабар беради.
“2023 йилда 1,7 миллиард рубллик (19 миллион доллардан зиёд), бу йил эса 416 миллион рублдан (4,7 млн доллар) ортиқ сотув амалга оширилди. Шундай қилиб, умумий сумма 2,1 миллиард рублдан ошди”, — деди Россия томонидан тайинланган яриморол парламенти раҳбари Владимир Константинов.
У потенциал инвесторлар ва воситачиларнинг миллийлаштирилган активларга юқори талаби борлигини айтиб, украиналик олигархларнинг мол-мулки баҳоланаётганини таъкидлади.
Константинов Украина ҳукумати томонидан сув-энергетика блокадаларидан кўрилган зарар 14 триллион рублдан ошганини (деярли 157 млрд доллар) даъво қилганди. Блокадаларнинг ҳар бири Қримга 7 триллион рубль миқдорида зарар етказгани, аммо умумий миқдор ошиши мумкинлиги айтилган.
Украина Россиянинг 1 млрд долларлик активларини мусодара қилган
Маълумот ўрнида, Украина полицияси Россияга алоқадор 38 миллиард гривналик (деярли 1 миллиард доллар) активларни мусодара қилган. Барча активлар Украина манфаати ва эҳтиёжлари, шунингдек, ҳарбийлар учун фойдаланилган.
Миллий полициянинг стратегик тергов бошқармаси раҳбари Андрей Рубел Россия активлари ҳажмини баҳолаш қийинлиги, чунки 2014 йилдан бери Украинадаги барча йирик бизнеслар тўғридан тўғри ёки билвосита россияликлар билан боғлиқлигини айтган.
Изоҳ (0)