Finlyandiyalik siyosatchi, polkovnik Yanne Makitalo ruslar tomonidan Finlyandiyada sotib olingan ko‘chmas mulklar milliy xavfsizlikka tahdid qilishini ta’kidladi.
2010-yillar boshidan beri rossiyaliklar tomonidan sotib olingan 139 ta mulk, radiolokatsiya stansiyalari, portlovchi moddalar va o‘q-dorilar saqlanadigan omborlar hamda jangovar aerodromlar atroflarida joylashgan, — deydi polkovnik.
Uning ta’kidlashicha, rossiyaliklarga tegishli hududlarda portlovchi moddalar, zenit va tanklarga qarshi raketalar saqlanayotgan bo‘lishi mumkin.
Bu vaziyatda chet elliklar tomonidan qo‘lga kiritilgan ko‘chmas mulklar qanchalik diqqatga sazovorligini, ular Finlyandiyada keng ko‘lamli aks ta’sir uyg‘otish uchun ishlatilayotganmi, yo‘qmi, mamlakat bu tahdidni qanday yengib o‘tishi mumkinligini ko‘rib chiqish zarur, — deya xulosa qilgan Makitalo.
2023-yil kuzdan boshlab Finlyandiya rossiyaliklarga nisbatan qator cheklovlar qo‘llab, mamlakatga kirishlarini taqiqlab qo‘ygan. Keyinroq, Rossiyadan kelgan mulk egalariga texnik xizmat ko‘rsatish yoki ta’mirlash ishlari faqat ularning shaxsiy ishtirokida amalga oshirilishi kerakligini aytib, cheklovlarni kengaytirgan.
Izoh (0)