Финляндиялик сиёсатчи, полковник Янне Макитало руслар томонидан Финляндияда сотиб олинган кўчмас мулклар миллий хавфсизликка таҳдид қилишини таъкидлади.
2010 йиллар бошидан бери россияликлар томонидан сотиб олинган 139 та мулк, радиолокация станциялари, портловчи моддалар ва ўқ-дорилар сақланадиган омборлар ҳамда жанговар аэродромлар атрофларида жойлашган, — дейди полковник.
Унинг таъкидлашича, россияликларга тегишли ҳудудларда портловчи моддалар, зенит ва танкларга қарши ракеталар сақланаётган бўлиши мумкин.
Бу вазиятда чет элликлар томонидан қўлга киритилган кўчмас мулклар қанчалик диққатга сазоворлигини, улар Финляндияда кенг кўламли акс таъсир уйғотиш учун ишлатилаётганми, йўқми, мамлакат бу таҳдидни қандай енгиб ўтиши мумкинлигини кўриб чиқиш зарур, — дея хулоса қилган Макитало.
2023 йил куздан бошлаб Финляндия россияликларга нисбатан қатор чекловлар қўллаб, мамлакатга киришларини тақиқлаб қўйган. Кейинроқ, Россиядан келган мулк эгаларига техник хизмат кўрсатиш ёки таъмирлаш ишлари фақат уларнинг шахсий иштирокида амалга оширилиши кераклигини айтиб, чекловларни кенгайтирган.
Изоҳ (0)