Sevimli seriallarimiz bizni sarguzashtlar, tarixiy sarguzashtlar, ajdarholar yashaydigan olamlarga olib boradi. Bunday loyihalar byudjeti qanchalik yuqori bo‘lsa, ekrandagi tasvirlar va maxsus effektlar shunchalik ishonchli ko‘rinadi. Ba’zida tomoshabinlar serialning har bir daqiqasi ortiga qanchalik murakkab, mashaqqatli va yuqori haq to‘lanadigan mehnat yashiringanini payqamaydi. Bugungi maqolada biz dunyodagi eng katta byudjetga ega teleseriallar ro‘yxatini tuzdik.
11-o‘rin: “Rim” (Epizod uchun 9 million dollar)
Prodyuserlar Yuliy Sezar davridagi Rim imperiyasini ulug‘vor qiyofada ko‘rsatishga harakat qildi: bir necha metrli dekoratsiyalar va tarixiy liboslar buning namunasidir. Serialni suratga olish uchun Italiyada qadimiy imperiyaga xos ko‘rinishda ulkan “mahallalar” qurilgan. Birinchi mavsumdagi umumiy 12 ta epizod 100 million dollarga tushdi.
10-o‘rin: “Do‘stlar” (Epizod uchun 10 million dollar)
Ushbu klassik sitkom barcha davrlarning eng qimmat teleseriallar ro‘yxatini egalladi, garchi serialda katta hajmdagi bezaklar yoki hayratlanarli maxsus effektlar qo‘llanmagan bo‘lsa-da, ma’lum bo‘lishicha, byudjetning katta qismi bosh qahramonlarning gonorariga ketgan. Olti nafar bosh aktyorlar so‘nggi mavsumda kattaroq maosh talab qila boshlagan va natijada 20 daqiqalik epizod 10 million dollarga tushgan.
9-o‘rin: “Tez yordam” (Epizod uchun 13 million dollar)
90-yillarda tibbiyot haqidagi drama bir necha yil davomida ketma-ket Amerikada eng yuqori reytingli teleserial maqomini saqlab qoldi. Birinchi mavsumda noma’lum yigit ko‘rinishida karyerasini boshlagan Jorj Klunini to‘rtinchi mavsumda Gollivudning eng munosib aktyoriga aylandi. Mavsum yakunlangani sari aktyorning gonorari kattalashib borgan.
8-o‘rin: “Davraga tush” — “The get down” (Epizod uchun 11-16 million dollar)
Afsuski, barcha yuqori byudjetli loyihalar doim ham o‘zini oqlamaydi. “Davraga tush” — “The get down” seriali Netflix uchun katta muvaffaqiyatsizlik bo‘ldi. Birinchi mavsumdan so‘ng serial juda past reyting olganligi tufayli loyiha tugatildi.
7-o‘rin: “Toj” (Epizod uchun 13-15 million dollar)
O‘sha davr modasiga monand tanlangan ajoyib liboslar, soch turmagi, professional tilshunoslar tomonidan ijro etilgan aktyorlarning nutqi, hashamatli interyerlar orqali tomoshabin Bukingem saroyiga kirib qolgandek bo‘ladi. Britaniya monarxiyasi hayoti haqidagi mazkur serialga Netflix 156 million sarflagan.
6-o‘rin: “Taxtlar o‘yini” (Epizod uchun 15 million dollar)
Eng qimmat seriallar haqida gap ketganda, aynan “Taxtlar o‘yini” yodga tushadi. Shunga qaramay, serial kuchli uchtalikka kira olmadi. Ajdarlar, vayron bo‘lgan qal‘alar va ajoyib aktyorlar jamoasidan iborat hikoyaning yakuniy qismida har bir epizod uchun 15 million dollar sarflandi.
5-o‘rin: “Ko‘rmoq” (Epizod uchun 15 million dollar)
Rejissyor Stiven Nayt tomonidan Apple TV+ uchun yaratilgan ilmiy-fantastik dramasi teleserialda mashhur aktyorlardan Jeyson Momoa va Elfri Vudardlar ishtirok etgan. Katta byudjetga ega bo‘lsa-da, serial premyerasi shov-shuvli bo‘lmagan.
4-o‘rin: “Mandalorlik” (Epizod uchun 16 million dollar)
Mazkur serialni suratga olish ko‘p yillar davomida mutlaqo amalga oshirib bo‘lmaydigan g‘oya deb hisoblangan. “Mandalorlik” ning yarim soatlik epizodning narxi 15 million dollardan boshlangan. Baby Yoda nomi bilan mashhur Groguning animatronik qo‘g‘irchog‘iga ikki million dollar sarflangan.
3-o‘rin: “Tinch okean” (Epizod uchun 20 million dollar)
10 ta epizod uchun 200 million dollar xarajat qilingan ushbu serialda Stiven Spilberg tomonidan suratga olingan va bosh rolda aktyor Tom Xenks ishtirok etgan. Serialda harbiy texnika, o‘q-dorilar, qurol-yarog‘lar va askarlar kiyimlarining mutlaqo aniq nusxalaridan foydalangan. Hatto portlovchi minalar kabi eng murakkab sahnalar minimal vizual effektlar bilan jonli ravishda amalga oshirilgan.
2-o‘rin: “Vanda va Vijn”, “Loki” (Epizod uchun 25 million dollar)
Disney kinokompaniyasi Marvel olami haqidagi filmlarga doim katta byudjet ajratishi barchaga ma’lum. Balki undagi aktyorlar Elizavet Olsen, Entoni Maki kabilar gonorari juda kattadir? Yoki Industrial Light & Magic kompaniyasi xizmatlari o‘ta qimmatdir?
1-o‘rin: “Uzuklar hukmdori: Qudrat uzuklari” (Epizod uchun 58 million dollar)
Bugungi kunda eng qimmatbaho serial sifatida qayd etilgan asar premyerasi 2022-yilda Amazon platformasida bo‘lib o‘tdi. Byudjetning asosiy qismi kompyuter grafikasi uchun sarf etilgan. Filmda birinchi trilogiya voqealarida ishtirok etgan qahramonlarni ko‘rish mumkin, bular ming yillar davomida yashaydigan elflar — Galadriel va Elrond. Shuningdek, serialda tomoshabinlarga ma’lum bo‘lgan yana bir qahramon — sehrgar Sauron haqida ham hikoya qilinadi.
Izoh (0)