Севимли сериалларимиз бизни саргузаштлар, тарихий саргузаштлар, аждарҳолар яшайдиган оламларга олиб боради. Бундай лойиҳалар бюджети қанчалик юқори бўлса, экрандаги тасвирлар ва махсус эффектлар шунчалик ишончли кўринади. Баъзида томошабинлар сериалнинг ҳар бир дақиқаси ортига қанчалик мураккаб, машаққатли ва юқори ҳақ тўланадиган меҳнат яширинганини пайқамайди. Бугунги мақолада биз дунёдаги энг катта бюджетга эга телесериаллар рўйхатини туздик.
11-ўрин: “Рим” (Эпизод учун 9 миллион доллар)
Продюсерлар Юлий Сезар давридаги Рим империясини улуғвор қиёфада кўрсатишга ҳаракат қилди: бир неча метрли декорациялар ва тарихий либослар бунинг намунасидир. Сериални суратга олиш учун Италияда қадимий империяга хос кўринишда улкан “маҳаллалар” қурилган. Биринчи мавсумдаги умумий 12 та эпизод 100 миллион долларга тушди.
10-ўрин: “Дўстлар” (Эпизод учун 10 миллион доллар)
Ушбу классик ситком барча даврларнинг энг қиммат телесериаллар рўйхатини эгаллади, гарчи сериалда катта ҳажмдаги безаклар ёки ҳайратланарли махсус эффектлар қўлланмаган бўлса-да, маълум бўлишича, бюджетнинг катта қисми бош қаҳрамонларнинг гонорарига кетган. Олти нафар бош актёрлар сўнгги мавсумда каттароқ маош талаб қила бошлаган ва натижада 20 дақиқалик эпизод 10 миллион долларга тушган.
9-ўрин: “Тез ёрдам” (Эпизод учун 13 миллион доллар)
90 йилларда тиббиёт ҳақидаги драма бир неча йил давомида кетма-кет Америкада энг юқори рейтингли телесериал мақомини сақлаб қолди. Биринчи мавсумда номаълум йигит кўринишида карьерасини бошлаган Жорж Клунини тўртинчи мавсумда Голливуднинг энг муносиб актёрига айланди. Мавсум якунлангани сари актёрнинг гонорари катталашиб борган.
8-ўрин: “Даврага туш” — “Тҳе гет доwн” (Эпизод учун 11-16 миллион доллар)
Афсуски, барча юқори бюджетли лойиҳалар доим ҳам ўзини оқламайди. “Даврага туш” — “Тҳе гет доwн” сериали Netflix учун катта муваффақиятсизлик бўлди. Биринчи мавсумдан сўнг сериал жуда паст рейтинг олганлиги туфайли лойиҳа тугатилди.
7-ўрин: “Тож” (Эпизод учун 13-15 миллион доллар)
Ўша давр модасига монанд танланган ажойиб либослар, соч турмаги, профессионал тилшунослар томонидан ижро этилган актёрларнинг нутқи, ҳашаматли интерерлар орқали томошабин Букингем саройига кириб қолгандек бўлади. Британия монархияси ҳаёти ҳақидаги мазкур сериалга Netflix 156 миллион сарфлаган.
6-ўрин: “Тахтлар ўйини” (Эпизод учун 15 миллион доллар)
Энг қиммат сериаллар ҳақида гап кетганда, айнан “Тахтлар ўйини” ёдга тушади. Шунга қарамай, сериал кучли учталикка кира олмади. Аждарлар, вайрон бўлган қалъалар ва ажойиб актёрлар жамоасидан иборат ҳикоянинг якуний қисмида ҳар бир эпизод учун 15 миллион доллар сарфланди.
5-ўрин: “Кўрмоқ” (Эпизод учун 15 миллион доллар)
Режиссёр Стивен Найт томонидан Apple TV+ учун яратилган илмий-фантастик драмаси телесериалда машҳур актёрлардан Жейсон Момоа ва Элфри Вудардлар иштирок этган. Катта бюджетга эга бўлса-да, сериал премьераси шов-шувли бўлмаган.
4-ўрин: “Мандалорлик” (Эпизод учун 16 миллион доллар)
Мазкур сериални суратга олиш кўп йиллар давомида мутлақо амалга ошириб бўлмайдиган ғоя деб ҳисобланган. “Мандалорлик” нинг ярим соатлик эпизоднинг нархи 15 миллион доллардан бошланган. Baby Ёда номи билан машҳур Грогунинг аниматроник қўғирчоғига икки миллион доллар сарфланган.
3-ўрин: “Тинч океан” (Эпизод учун 20 миллион доллар)
10 та эпизод учун 200 миллион доллар харажат қилинган ушбу сериалда Стивен Спилберг томонидан суратга олинган ва бош ролда актёр Том Хенкс иштирок этган. Сериалда ҳарбий техника, ўқ-дорилар, қурол-яроғлар ва аскарлар кийимларининг мутлақо аниқ нусхаларидан фойдаланган. Ҳатто портловчи миналар каби энг мураккаб саҳналар минимал визуал эффектлар билан жонли равишда амалга оширилган.
2-ўрин: “Ванда ва Вижн”, “Локи” (Эпизод учун 25 миллион доллар)
Disney кинокомпанияси Marvel олами ҳақидаги фильмларга доим катта бюджет ажратиши барчага маълум. Балки ундаги актёрлар Элизавет Олсен, Энтони Маки кабилар гонорари жуда каттадир? Ёки Industrial Light & Magic компанияси хизматлари ўта қимматдир?
1-ўрин: “Узуклар ҳукмдори: Қудрат узуклари” (Эпизод учун 58 миллион доллар)
Бугунги кунда энг қимматбаҳо сериал сифатида қайд этилган асар премьераси 2022 йилда Amazon платформасида бўлиб ўтди. Бюджетнинг асосий қисми компьютер графикаси учун сарф этилган. Фильмда биринчи трилогия воқеаларида иштирок этган қаҳрамонларни кўриш мумкин, булар минг йиллар давомида яшайдиган элфлар — Галадриэл ва Элронд. Шунингдек, сериалда томошабинларга маълум бўлган яна бир қаҳрамон — сеҳргар Саурон ҳақида ҳам ҳикоя қилинади.
Изоҳ (0)