Butun dunyo kino kassalarida eng ommabop hisoblangan super qahramonlar haqidagi filmlar aktyorlarga katta muvaffaqiyat keltirgan. Ba’zilari esa afsuski, aktyorlarning kino faoliyatida omadsiz loyihalarga aylangan. Quyida aksariyat tomoshabinlar uchun manzur bo‘lsa-da, muxlislar va tanqidchilar tomonidan ijobiy qabul qilinmagan qahramon obrazlarini ko‘rib chiqamiz.
Edvard Norton
Aktyor Mark Ruffalo Marvel olami qahramoni Bryus Benner — Halk sifatida tomoshabinlarga shu qadar tanishki, mazkur obrazni boshqa aktyor ijrosida tasavvur etish qiyin. Bir necha yillardan so‘ng aktyor Edvard Norton 2008-yilda namoyish etilgan “Ajoyib Halk” filmida yashil qahramonni ijro etdi. Biroq mazkur film omma e’tiboriga tushmadi.
Holli Berri
Aktrisa Holli Berri ikki xil franshizada ikkita super qahramon rolini ijro etishga muvaffaq bo‘ldi. Bular “G‘aroyib odamlar”dagi “Shamol ayol”va “Mushuk ayol” (2004) filmlaridir. Aktrisaning ikkala filmdagi obrazlari ko‘plab muxlislar tomonidan salbiy qabul qilingan.
Famke Yanssen
“G‘aroyib odamlar” filmidagi Feniks obrazi bilan tanilgan aktrisa Yanssen filmdan so‘ng boshqa loyihalarda ko‘rinmadi. Unga turli takliflar kelib tushgan bo‘lsa-da, yangi loyihalar aktrisa karyerasining rivojlanishiga yordam bermadi.
Jessika Alba
“Fantastik to‘rtlik” (2005) nomli super qahramon filmida Jessika Albaning Syu Storm obrazi ham tanqidchilarga tomonidan ijobiy baholanmadi.
Yoan Griffidd
“Fantastik to‘rtlik”dagi bosh qahramon rolidan so‘ng aktyor Yoan Griffiddga katta blokbaster va bosh rol uchun hech qanday taklif bo‘lmadi.
Mayls Teller
Aftidan “Fantastik to‘rtlik” filmidagi barcha super qahramonlar obrazi tanqidchilarga manzur bo‘lmaganga o‘xshaydi. Film aktyor Mayls Tellerning karyerasiga ham yordam bermadi. So‘ng u 2022-yilda “Top Gan: Maverik” filmidagi ajoyib obrazidan so‘ng mavqeyini tiklab oldi.
Mikki Rurk
Ko‘pchilik intiqib kutgan “Temir odam-2” (2010) filmining premyerasi kutilgandek natija bermadi. Mikki Rurk ijro etgan yovuz qahramon aktyorning keyingi o‘n yillikdagi karyerasiga salbiy ta’sir ko‘rsatdi.
Brendon Rut
Aktyor Brendon Rutning uzoq yillik tanaffusidan so‘ng shov-shuvli va katta muvaffaqiyat olib kelishi kutilgan “Supermen qaytmoqda” filmi omadsizlikka uchradi va film tanqidchilari tomonidan salbiy baholandi.
Nikolas Keyj
2007-yilda suratga olingan “Arvoh poygachi” filmidagi Nikolas Keyj ijro etgan super qahramon roli ko‘plab tanqidga uchradi.
Tofer Greys
Asosan “70-yillar shousi” sitkomidagi Erik obrazi orqali tanilgan Tofer Greysning keyingi karyerasi omadli kechmadi. “O‘rgimchak odam-3” (2007) filmidagi Venom roli tanqidchilar tomonidan ijobiy qabul qilinmadi.
Izoh (0)