Tarmoqlarda Howo yuk avtomashinasi Chirchiq daryosiga tushib ketgani tasvirlangan videolar tarqaldi. Toshkent viloyati Yo‘l harakati xavfsizligi boshqarmasining maʼlum qilishicha, ushbu hodisa 9-iyun kuni soat 18:30 larda sodir bo‘lgan.
Maʼlum qilinishicha, korxonalar orasida tashkil etilgan avtomobil yo‘lidagi ko‘prikda 23 yoshli haydovchi boshqaruvidagi Howo yuk mashinasi ehtiyotsizlik oqibatida daryoga tushib ketgan.
Hodisa oqibatida avtomashinada bo‘lgan yo‘lovchi voqea joyida vafot etgan. Haydovchiga esa birinchi tibbiy yordam ko‘rsatilgan.
Hozirda holat yuzasidan tergov harakatlari olib borilmoqda.
Izoh (0)