Farg‘ona viloyati Dang‘ara tumanida qarzdorning qidiruvdagi mashinasi YTH natijasida nosoz holatda topildi. Bu haqda MIB axborot xizmati “Daryo”ga xabar berdi.
Ma’lum qilinishicha, fuqarolik ishlari bo‘yicha Qo‘qon tumanlararo sudining yanvardagi ijro varaqasiga asosan qarzdor X.Q.ning boshqaruvida bo‘lgan Lacetti-2 avtomashinasini xatlash belgilangan.
U bankdan kredit olgan va uni o‘z muddatida qaytarmagan. Shu sababli sud qarori asosida kredit qarzdorligini garov mulkiga qaratish belgilangan. Ushbu ijro hujjati byuroning Qo‘qon shahar bo‘limi ish yurituviga martda kelib tushgan va ijro ishi qo‘zg‘atilgan. Ijro harakatlari davomida mazkur avtotransport vositasiga taqiq o‘rnatilgan.
Bo‘lim davlat ijrochisi tomonidan ijro hujjatida ko‘rsatilgan manzilga bir necha marotaba borib ko‘zdan kechirilganda, avtomashina yo‘qligi aniqlangach, qidiruv e’lon qilingan.
Olib borilgan qidiruv tadbirlari natijasiga ko‘ra, ushbu avtomashina mayda Dang‘ara tumani, “Istiqlol” MFY hududida joylashgan jarima maydonchasidan YTH natijasida nosoz holatda topilib, davlat ijrochisi tomonidan xatlandi va hozirda auksion savdolariga chiqarish choralari ko‘rilmoqda.
Izoh (0)