Dana Uayt mashhur UFC yulduzi Konor Makgregorni boks afsonasi Muhammad Ali bilan taqqosladi.
“Men odamlarni Ali bilan solishtirishni yoqtirmayman, chunki u nafaqat jangchi, balki shaxs sifatida ham eng buyukdir. Ammo mentalitet va psixologiya haqida gapiradigan bo‘lsak, Makgregor u bilan bir xil darajada.
Makgregor ikki divizionda UFC chempioni va jahon yulduzi sifatida yuksalgan paytda u oktagonda bo‘lgani kabi uning tashqarisida ham o‘z obro‘siga ega bo‘ldi. Jose Aldo, Eddi Alvares va Neyt Diaz ustidan qozonilgan esda qolarli g‘alabalar Makgregor va UFC uchun ulkan muvaffaqiyatlarga olib keldi.
Jangda aql bilan urishish haqida gap ketganda ular tarixdagi eng yaxshilaridir. Ali Afrikada Jorj Formanga qarshi jangda nimalar qilganini eslang. U Jo Freyzerga nima qilganini eslang. Endi Konorga qarang.
U barcha raqiblarini uning qoidalari bilan jang qilishga majbur qiladi. Konor raqibiga ruhiy bosim o‘tkazadi, keyin esa uni har jihatdan kamsitib, oqibatda uni ortda qoldirishi mumkin”, — dedi UFC prezidenti Dana Uayt.
Izoh (0)