Birlashgan Millatlar Tashkilotining Gumanitar masalalarni muvofiqlashtirish boshqarmasi (OCHA) Afg‘onistonda besh yoshgacha bo‘lgan uch milliondan ortiq bola to‘yib ovqatlanmaslikdan aziyat chekayotgani haqida xabar berdi.
BMTga qarashli ushbu idora afg‘on bolalarining ahvoli haqidagi hisobotida har oy portlamagan o‘q-dorilardan 60 kishi halok bo‘layotgani yoki nogiron bo‘lib qolgani, ularning ko‘pchiligi bolalar ekanini aytgan.
Afg‘onistondagi bolalarning 19 foizi og‘ir mehnat bilan shug‘ullanadi. Shuningdek, 18 yoshga kirmagan qizlarning 40 foizi turmushga chiqqan, — deyiladi hisobotda.
OCHA yana bir bor Afg‘onistonga insonparvarlik yordamining davom etishi sog‘liqni saqlash xizmatlarining yomonlashuvining oldini olganini va mamlakatning iqtisodiy barqarorligini saqlab qolish uchun zarur ekanligini ta’kidlagan.
Tashkilot hisobotiga ko‘ra, ko‘plab omillar Afg‘onistonda gumanitar yordam ko‘rsatish jarayonini murakkablashtirmoqda, jabrlangan aholiga javob choralari esa yetarlicha emas.
Izoh (0)