Birlashgan Millatlar Tashkilotining Bolalar jamg‘armasi (UNICEF) Afg‘oniston shimoli-sharqidagi suv toshqini oqibatida kamida 51 nafar bola halok bo‘lganini ma’lum qildi, deya “etilaatroz.com” xabar berdi.
Xabarga ko‘ra, qurbonlarning aksariyati Bag‘lon viloyati aholisi.
UNICEF maʼlumotlariga ko‘ra, bu dastlabki maʼlumotlar bo‘lib, qurbonlar soni ko‘payishi mumkin.
UNICEF’ning qo‘shimcha qilishicha, Bag‘londa kuchli yomg‘ir va suv toshqinlari tufayli uch mingga yaqin uy, qishloq xo‘jaligi yerlari va tibbiyot markazlari vayron bo‘lgan, chorva mollari halok bo‘lgan, maktablar yopilgan.
Tashkilot Badaxshon va Taxar viloyatlari ham suv toshqinidan jabr ko‘rganini, ikki viloyatda 300 ta uy vayron bo‘lgani ma’lum qilgan.
UNICEF hozirgacha suv toshqinidan jabrlanganlarga 450 ta oilaviy to‘plam, 500 ta gigiyena to‘plami, 476 ta kattalar va bolalar uchun ko‘rpa-to‘shaklar hamda kiyim-kechaklar yuborilganini aytgan.
Tolibon migratsiya vazirligi bayonotiga ko‘ra, birgina Bag‘lon viloyatidagi suv toshqini oqibatida halok bo‘lganlar soni 315 nafarga yetgan, 1630 nafar kishi jarohatlangan.
Izoh (0)