Бирлашган Миллатлар Ташкилотининг Гуманитар масалаларни мувофиқлаштириш бошқармаси (OCHA) Афғонистонда беш ёшгача бўлган уч миллиондан ортиқ бола тўйиб овқатланмасликдан азият чекаётгани ҳақида хабар берди.
БМТга қарашли ушбу идора афғон болаларининг аҳволи ҳақидаги ҳисоботида ҳар ой портламаган ўқ-дорилардан 60 киши ҳалок бўлаётгани ёки ногирон бўлиб қолгани, уларнинг кўпчилиги болалар эканини айтган.
Афғонистондаги болаларнинг 19 фоизи оғир меҳнат билан шуғулланади. Шунингдек, 18 ёшга кирмаган қизларнинг 40 фоизи турмушга чиққан, — дейилади ҳисоботда.
OCHA яна бир бор Афғонистонга инсонпарварлик ёрдамининг давом этиши соғлиқни сақлаш хизматларининг ёмонлашувининг олдини олганини ва мамлакатнинг иқтисодий барқарорлигини сақлаб қолиш учун зарур эканлигини таъкидлаган.
Ташкилот ҳисоботига кўра, кўплаб омиллар Афғонистонда гуманитар ёрдам кўрсатиш жараёнини мураккаблаштирмоқда, жабрланган аҳолига жавоб чоралари эса етарлича эмас.