Xitoy xavfsizlik xizmati 3-iyun kuni markaziy hukumatda ishlagan er-xotinni Buyuk Britaniya foydasiga josuslik qilishda ayblab, hibsga oldi. Bu haqda Gongkong mahalliy nashrlari tarqatgan xabarlarga asoslanib, CNN nashri xabar berdi.
Manbada aytilishicha, hibsga olinganlar Buyuk Britaniyaning MI6 maxfiy razvedka agentligiga maʼlumot uzatishda ayblangan.
MI6 razvedka markazi Britaniya Tashqi ishlar vazirligi huzurida faoliyat yuritadi.
Xitoyning Davlat xavfsizlik vazirligi hodisa yuzasidan maxsus bayonot eʼlon qilgan. Unda rasmiylar MI6 bilan bog‘liq “yirik josuslik ishi” fosh qilingani aytilgan. Ushbu fosh qilingan tarmoq, hech shubhasiz, Britaniya xatti-harakatlari natijasi ekanligi bildirilgan.
- Avvalroq Britaniya politsiyasi uch nafar shaxsni Gonkong razvedka xizmati uchun ishlagan josus sifatida ayblab qo‘lga olgan edi.
- Britaniya Konservatorlar partiyasining yana 2 aʼzosi Xitoy rasmiylari bilan aloqalar uchun hibsga olingan.
Manbada xabar qilinishicha, hibsga olingan Van oilasi markaziy davlat organida, “asosiy maxfiy maʼlumotlarga ega” lavozimida ishlagan. Oila uzoq yillar davomida xorijga manba uzatib kelgan.
- Ayni damda tergovchilar josus oila tomonidan mamlakat tashqarisiga uzatilgan maxfiy maʼlumotlarning to‘liq ro‘yxatini tuzish ustida ish olib borayotgani aytilgan.
- Xorijga xizmat evaziga er-xotinga xorijdan muntazam ravishda katta hajmli pul o‘tkazmalari kelib turgani aniqlangan.
Izoh (0)