AQSH Milliy xavfsizlik agentligida faoliyat yuritgan kibermutaxassis 29-aprel kuni Moskva foydasiga josuslik qilishga urinishda ayblanib, 21 yillik qamoq jazosiga hukm qilindi. Bu haqda AQSH Adliya vazirligi bayonotiga asoslanib, The Moscow Times nashri xabar berdi.
Manbada aytilishicha, 32 yoshli Jare Sebastyan Dalke 2022-yil iyun oyi oxirida to‘satdan oilaviy muammolar sabab ishdan bo‘shatilgunga qadar AQSH hukumatining Milliy razvedka agentligida to‘rt haftadan ko‘proq vaqtdan beri ishlayotgan edi. Faoliyati davomida u Rossiya tomoniga maxfiy hujjatlarni uzatgani aniqlangan.
MXA da ishlagan ishlagan bir necha hafta davomida Dalke o‘ta maxfiy hujjatlarni ko‘chirib olishga erishgan. So‘ngra ularni Rossiya agenti deb hisoblagan shaxsga 85 000 dollarga sotishni taklif qilgan.
Maʼlum bo‘lishicha, o‘zini rus josusi deb tanishtirgan shaxs AQSH hukumati razvedka xizmati vakili bo‘lgan. Uning yordami bilan Dalke fosh qilingan.
Kolorado-Springsdan bo‘lgan Sebastyan Dalke oktyabr oyida AQSH okrug sudida milliy mudofaaga oid maxfiy maʼlumotlarni xorijiy hukumat agentiga uzatishga urinish bilan bog‘liq oltita ayblovni tan olgan.
“Mamlakatimizni himoya qilish uchun qasamyod qilgan bu ayblanuvchi milliy xavfsizlikka oid maxfiy maʼlumotlarni Rossiya agentiga sotayotganiga ishongan, aslida esa o‘zini Federal qidiruv byurosiga topshirgan. Chiqargan hukmimiz vatanimizga xiyonat qilishni maqsad qilganlar jinoyatlari uchun javob berishlarini ko‘rsatadi”, — degan okrug bosh prokurori Merrik Garland.
Izoh (0)