Хитой хавфсизлик хизмати 3 июнь куни марказий ҳукуматда ишлаган эр-хотинни Буюк Британия фойдасига жосуслик қилишда айблаб, ҳибсга олди. Бу ҳақда Гонгконг маҳаллий нашрлари тарқатган хабарларга асосланиб, CNN нашри хабар берди.
Манбада айтилишича, ҳибсга олинганлар Буюк Британиянинг МИ6 махфий разведка агентлигига маълумот узатишда айбланган.
МИ6 разведка маркази Британия Ташқи ишлар вазирлиги ҳузурида фаолият юритади.
Хитойнинг Давлат хавфсизлик вазирлиги ҳодиса юзасидан махсус баёнот эълон қилган. Унда расмийлар МИ6 билан боғлиқ “йирик жосуслик иши” фош қилингани айтилган. Ушбу фош қилинган тармоқ, ҳеч шубҳасиз, Британия хатти-ҳаракатлари натижаси эканлиги билдирилган.
- Аввалроқ Британия полицияси уч нафар шахсни Гонконг разведка хизмати учун ишлаган жосус сифатида айблаб қўлга олган эди.
- Британия Консерваторлар партиясининг яна 2 аъзоси Хитой расмийлари билан алоқалар учун ҳибсга олинган.
Манбада хабар қилинишича, ҳибсга олинган Ван оиласи марказий давлат органида, “асосий махфий маълумотларга эга” лавозимида ишлаган. Оила узоқ йиллар давомида хорижга манба узатиб келган.
- Айни дамда терговчилар жосус оила томонидан мамлакат ташқарисига узатилган махфий маълумотларнинг тўлиқ рўйхатини тузиш устида иш олиб бораётгани айтилган.
- Хорижга хизмат эвазига эр-хотинга хориждан мунтазам равишда катта ҳажмли пул ўтказмалари келиб тургани аниқланган.
Изоҳ (0)