“Real Madrid” hujumchisi Vinisius Junior 2023—2024-yilgi Chempionlar Ligasida 37 marta muvaffaqiyatli driblingni amalga oshirdi.
Bu ko‘rsatkich joriy mavsum uchun rekord hisoblanadi. Ushbu driblinglardan 8 tasi Chempionlar Ligasi finalida Dortmundning “Borussiya”siga qarshi o‘yinga to‘g‘ri keldi. 2014—2015-yilgi mavsumda Lionel Messi “Barselona” va “Yuventus” o‘rtasidagi o‘yinda raqiblariga nisbatan 10 marta dribling amalga oshirgan.
Vinisius “Real”ga 2018-yilning iyulida “Flamengo”dan kelib qo‘shilgan edi. Transfer summasi 45 million yevroni tashkil qildi, futbolchining klub bilan shartnomasi 2027-yilning yoziga qadar mo‘ljallangan. Joriy mavsumda Vinisius 39 ta o‘yin o‘tkazib, 24 ta gol urdi va 11 ta golli uzatmani amalga oshirdi. Transfermarkt portalida berilgan ma’lumotlarga ko‘ra, futbolchining bozor qiymati 150 million yevroni tashkil qiladi.
Izoh (0)