Nyu Yorkdagi hakamlar sudyalari sobiq prezident Donald Trampni pornoaktrisa Stormi Danielsga sukut saqlashi uchun pul to‘laganiga oid moliyaviy ma’lumotlarni soxtalashtirganlikda aybdor deb topdi. Bu haqda CNN xabar berdi.
Tramp barcha 34 ta band bo‘yicha aybdor deb e’lon qilingan. U pornoaktrisaga ular o‘rtasida yuz bergan jinsiy aloqa haqida sukut saqlash uchun 130 ming dollar to‘lagan. Sobiq prezident deklaratsiyada ushbu to‘lovni yuridik xizmat sifatida rasmiylashtirgan.
Trampga qanday jazo tayinlanishi hozircha noma’lum. Unga nisbatan rasmiy hukm 11-iyul kuni e’lon qilinadi. U 4 yildan 136 yilgacha ozodlikdan mahrum etilishi mumkin, ammo ko‘pchilik Trampga nisbatan jazo umuman qamoqni o‘z ichiga olmasligini prognoz qilmoqda.
Sobiq prezident uy qamog‘iga olingan taqdirda ham bu AQSH prezidentligiga nomzodini qo‘yishiga to‘sqinlik qilmaydi. Bundan tashqari, Tramp qamoqqa yuborilsa va saylovda g‘alaba qozonsa, qamoqdan turib prezidentlik vakolatlarini amalga oshirishi mumkin bo‘ladi.
Izoh (0)