AQSH 30-may kuni Rossiyaning “Vagner” guruhi bilan aloqadorligi aniqlangan Markaziy Afrika Respublikasidagi kompaniyalarga sanksiya kiritgan. Bu haqda AQSH Moliya vazirligi tarqatgan xabarga asoslanib, Reuters nashri xabar berdi.
Manbada aytilishicha, Qo‘shma Shtatlar Markaziy Afrika Respublikasining “Vagner” yollanma guruhiga aloqador ikki kompaniyasiga va noqonuniy konchilik faoliyatiga qarshi sanksiyalar joriy qilgan.
Vashington rasmiylari “Vagner”ni Markaziy Afrika Respublikasida agressiv siyosat yuritishda ayblagan. “Vagner” va unga aloqador kompaniyalar u yerda “keng xavfsizlik va biznes tarmog‘i tashkil etganini” maʼlum qilgan.
“Ushbu tarmoq Markaziy Afrika Respublikasi suvereniteti hisobiga Rossiyaning beqarorlashtiruvchi faoliyatini ilgari surmoqda”, — deyiladi AQSH Davlat departamenti.
Sanksiyalar ro‘yxatiga tushgan kompaniyalardan biri tog‘-kon kombinati bo‘lib, u ,Vashingtonning taʼkidlashicha, kimyoviy moddalar importi bilan shug‘ullanadi. Ushbu kombinat o‘zi uchun kerakli asbob-uskunalarni tashish uchun “Vagner” samolyotlarini ijaraga olgan.
Izoh (0)