Нью-Йоркдаги ҳакамлар судьялари собиқ президент Дональд Трампни порноактриса Сторми Даниэлсга сукут сақлаши учун пул тўлаганига оид молиявий маълумотларни сохталаштирганликда айбдор деб топди. Бу ҳақда CNN хабар берди.
Трамп барча 34 та банд бўйича айбдор деб эълон қилинган. У порноактрисага улар ўртасида юз берган жинсий алоқа ҳақида сукут сақлаш учун 130 минг доллар тўлаган. Собиқ президент декларацияда ушбу тўловни юридик хизмат сифатида расмийлаштирган.
Трампга қандай жазо тайинланиши ҳозирча номаълум. Унга нисбатан расмий ҳукм 11 июль куни эълон қилинади. У 4 йилдан 136 йилгача озодликдан маҳрум этилиши мумкин, аммо кўпчилик Трампга нисбатан жазо умуман қамоқни ўз ичига олмаслигини прогноз қилмоқда.
Собиқ президент уй қамоғига олинган тақдирда ҳам бу АҚШ президентлигига номзодини қўйишига тўсқинлик қилмайди. Бундан ташқари, Трамп қамоққа юборилса ва сайловда ғалаба қозонса, қамоқдан туриб президентлик ваколатларини амалга ошириши мумкин бўлади.
Изоҳ (0)