Xitoy hukumati Ukraina mojarosini hal qilishga qaratilgan Shveysariya tinchlik konferensiyasida ishtirok etish uchun shartlarini maʼlum qildi. Bu haqda Xitoy Tashqi ishlar vazirligi matbuot kotibi eʼlon qilgan murojaatnomaga asoslanib, Anadolu nashri xabar berdi.
Dushanba kuni Xitoy Ukraina bo‘yicha Rossiya tomonidan ham tan olingan har qanday xalqaro tinchlik konferensiyasini qo‘llab-quvvatlashini bildirgan. Mamlakatlarning tinchlikka erishish borasidagi saʼy harakatlarini qo‘llab-quvvatlashini maʼlum qilgan.
“Pekin Rossiya va Ukraina tomonlari tan olgan xalqaro tinchlik konferensiyasi o‘z vaqtida chaqirilishini qo‘llab-quvvatlaydi”, — degan Tashqi ishlar vazirligi matbuot kotibi Mao Ning.
Pekin rasmiysi tinchlik muzokaralari barcha tomonlarning teng ishtiroki va adolatli muhokamani o‘z ichiga olishi kerakligini aytgan. Bu jarayonda esa Moskvani tinchlik konferensiyalaridan maksimal istisno qilmaslikka chaqirgan.
Xitoy mamlakatlar geosiyosiy manfaatlari va talablarini teng inobatga olib, muzokaraga kirishuvchi tomonlar uchun teppa-teng muhit yaratishni so‘ragan. Tinchlikka erishish uchun Moskva bilan faol muloqot zarurligini eʼlon qilgan. Xitoy esa aynan shunday murosasozlik yig‘inida ishtirok eta oladi.
Shveysariya tinchlik sammiti 15—16-iyun kunlari bo‘lib o‘tishi belgilangan. Ushbu yig‘ilish katta ehtimol bilan Ukraina masalasida tub burilish qilishi mumkinligi taxmin qilingan.
Izoh (0)