Хитой ҳукумати Украина можаросини ҳал қилишга қаратилган Швейцария тинчлик конференциясида иштирок этиш учун шартларини маълум қилди. Бу ҳақда Хитой Ташқи ишлар вазирлиги матбуот котиби эълон қилган мурожаатномага асосланиб, Anadolu нашри хабар берди.
Душанба куни Хитой Украина бўйича Россия томонидан ҳам тан олинган ҳар қандай халқаро тинчлик конференциясини қўллаб-қувватлашини билдирган. Мамлакатларнинг тинчликка эришиш борасидаги саъй ҳаракатларини қўллаб-қувватлашини маълум қилган.
“Пекин Россия ва Украина томонлари тан олган халқаро тинчлик конференцияси ўз вақтида чақирилишини қўллаб-қувватлайди”, — деган Ташқи ишлар вазирлиги матбуот котиби Мао Нинг.
Пекин расмийси тинчлик музокаралари барча томонларнинг тенг иштироки ва адолатли муҳокамани ўз ичига олиши кераклигини айтган. Бу жараёнда эса Москвани тинчлик конференцияларидан максимал истисно қилмасликка чақирган.
Хитой мамлакатлар геосиёсий манфаатлари ва талабларини тенг инобатга олиб, музокарага киришувчи томонлар учун теппа-тенг муҳит яратишни сўраган. Тинчликка эришиш учун Москва билан фаол мулоқот зарурлигини эълон қилган. Хитой эса айнан шундай муросасозлик йиғинида иштирок эта олади.
Швейцария тинчлик саммити 15—16 июнь кунлари бўлиб ўтиши белгиланган. Ушбу йиғилиш катта эҳтимол билан Украина масаласида туб бурилиш қилиши мумкинлиги тахмин қилинган.
Изоҳ (0)