Ramzan Qodirov O‘zbekistonga amaliy tashrif bilan keldi

Ramzan Qodirov 26-may kuni O‘zbekistonga amaliy tashrif bilan keldi. 

U 27-may kuni ikki davlat rahbarlari — Shavkat Mirziyoyev hamda Vladimir Putin ishtirokida bo‘lib o‘tadigan O‘zbekiston va Rossiya hududlari kengashining birinchi yig‘ilishida qatnashish uchun Checheniston delegatsiyasi boshchiligida Toshkentga keldi.

Ramzan Qodirov O‘zbekistonga yetib kelganida bosh vazir Abdulla Aripov uni samimiy va mehmondo‘stlik bilan kutib olganini ta’kidladi.

“Uchrashuvda u Vladimir Putin va Shavkat Mirziyoyevning siyosiy irodasi tufayli erishilgan sheriklik munosabatlarining strategik mohiyatini qayd etdi. Abdulla Nigmatovich, shuningdek, xalqlarimiz o‘rtasida azaldan do‘stona munosabatlar o‘rnatilgani va uni saqlab qolish zarurligini ta’kidladi”, — deb yozgan o‘zining Telegram kanalida.

Ramzan Qodirov Chechenistonning birinchi prezidenti, Rossiya qahramoni Ahmad hoji Qodirov tahsil olgani uchun chechenlar O‘zbekistonni ayniqsa iliq qabul qilishini ham qayd etib o‘tdi.

U davlat rahbarlari munosabatlarni mustahkamlashga intilayotganidan chin dildan xursand ekanligini ta’kidladi.

“Ishonchim komilki, bizning hamkorlikdagi faoliyatimiz Rossiya va O‘zbekiston o‘rtasidagi mintaqaviy hamkorlikni yangi bosqichga ko‘taradi hamda o‘zaro manfaatli aloqalarga xizmat qiladi”, — deydi Ramzan Qodirov.

Shavkat Mirziyoyevning taklifiga binoan 26-may kuni Rossiya prezidenti Vladimir Putin davlat tashrifi bilan O‘zbekistonga kelgandi. 27-may kuni oliy darajadagi muzokaralar o‘tkaziladi. Prezidentlar O‘zbekiston va Rossiya hududlari kengashining birinchi yig‘ilishida ishtirok etadi.