O‘zbekistonlik qori Abbosxon Obidov xalqaro musobaqada 3-o‘rinni qo‘lga kiritdi. Bu haqda Musulmonlar idorasi matbuot xizmati xabar berdi.
Qayd etilishicha, 25—27-may kunlari Rossiyaning Ingushetiya mintaqasida “Ixva” xayriya jamiyati tomonidan Qurʼoni karimni tajvidli o‘qish bo‘yicha II xalqaro musobaqa o‘tkazilgan.
Mazkur nufuzli musobaqada mamlakat nomidan O‘zbekiston musulmonlari idorasi tasarrufida “Hidoya” o‘rta maxsus islom bilim yurti talabasi Abbosxon qori Obidov muvaffaqiyatli ishtirok etgan.
Yakuniy natijalarga ko‘ra hamyurtimiz Abbosxon qori faxrli 3-o‘ringa sazovor bo‘lgan.
Eslatib o‘tamiz, 2019-yilda Chechenistonning Shali shahrida yirik masjidning ochilishi va xalqaro Qur’on musobaqasi bo‘lib o‘tgandi. O‘shanda o‘zbekistonlik qori Nuriddinov Yo‘ldoshbek imom Hafsning imom Osimdan rivoyati asosida tilovat qilib, 100 baldan 98,37 ball to‘plab 7-o‘rinni egallagan edi.
Izoh (0)