Qoraqalpog‘iston Respublikasining to‘rtta hududida 11 dona ratsiyadan tegishli ruxsatnomalarsiz foydalanish holati aniqlandi. Bu haqda “O‘zkomnazorat” xabar berdi.
Maʼlum qilinishicha, inspeksiyaning Qoraqalpog‘iston Respublikasi hududiy bo‘limi hamda “EMMM” DUK Elektromagnit moslashuv xizmati xodimlari tomonidan Nukus shahri, Qo‘ng‘irot, To‘rtko‘l va Nukus tumanlarida olib borilgan radiomonitoringlar davomida 4 nafar fuqaro tomonidan 11 ta radioelektron vosita (ratsiya, repiter)dan tegishli ruxsatnoma rasmiylashtirmasdan foydalanib kelinayotganligi aniqlandi.
Tadbirlar jarayonida fuqarolarga tushuntirishlar berilib, radioelektron vositalar foydalanishi to‘xtatildi.
Qurilmalardan qayta foydalangan taqdirda Maʼmuriy javobgarlik to‘g‘risidagi kodeksining tegishli moddasiga asosan maʼmuriy javobgarlikka sabab bo‘lishi to‘g‘risida ogohlantirildi.
Izoh (0)