Xorazm viloyati Ichki ishlar boshqarmasi tomonidan “O‘zkomnazorat” Inspeksiyasining viloyat hududiy sho‘basiga taqdim etilgan maʼlumotga asosan hamkorlikda reyd tadbirlari o‘tkazildi. Bu haqda “O‘zkomnazorat” matbuot xizmati xabar berdi.
Maʼlum qilinishicha, Urganch tumanida istiqomat qiluvchi fuqaro tomonidan jami 9 ta hamda Urganch shahrida yashovchi fuqaro tomonidan 3 ta, jami 12 ta ratsiyadan noqonuniy foydalanib kelinayotganligi aniqlandi.
Huquqbuzarlarga nisbatan radioelektron vositalar va yuqori chastotali qurilmalardan foydalanish tartibini buzganligi uchun “Maʼmuriy javobgarlik to‘g‘risida”gi kodeksning 152-moddasi 1-qismiga (radioelektron vositalar va yuqori chastotali qurilmalardan foydalanish tartibini buzish) asosan maʼmuriy jarimalar qo‘llanildi.
Izoh (0)