Қорақалпоғистон Республикасининг тўртта ҳудудида 11 дона рациядан тегишли рухсатномаларсиз фойдаланиш ҳолати аниқланди. Бу ҳақда “Ўзкомназорат” хабар берди.
Маълум қилинишича, инспекциянинг Қорақалпоғистон Республикаси ҳудудий бўлими ҳамда “ЭМММ” ДУК Электромагнит мослашув хизмати ходимлари томонидан Нукус шаҳри, Қўнғирот, Тўрткўл ва Нукус туманларида олиб борилган радиомониторинглар давомида 4 нафар фуқаро томонидан 11 та радиоэлектрон восита (рация, репитер)дан тегишли рухсатнома расмийлаштирмасдан фойдаланиб келинаётганлиги аниқланди.
Тадбирлар жараёнида фуқароларга тушунтиришлар берилиб, радиоэлектрон воситалар фойдаланиши тўхтатилди.
Қурилмалардан қайта фойдаланган тақдирда Маъмурий жавобгарлик тўғрисидаги кодексининг тегишли моддасига асосан маъмурий жавобгарликка сабаб бўлиши тўғрисида огоҳлантирилди.
Изоҳ (0)