Namangan shahrida kredit qarzdorligini so‘ndirish uchun kelib tushgan mablag‘ni o‘zlashtirish holati aniqlandi. Bu haqda Prokuratura departamenti xabar berdi.
Unga ko‘ra, holat Bosh prokuratura huzuridagi departamentning Namangan shahri bo‘limi tomonidan tadbirkorlik subyektlarining huquqlarini himoya qilish yuzasidan o‘tkazilgan tergovga qadar tekshiruvda aniqlangan.
Tijorat banki Namangan mintaqaviy markazi xodimlari K.D., O‘.M., M.D. va N.A. “Z.s.” MCHJga ajratilgan kreditning muddati o‘tgan qarzdorligini so‘ndirish uchun kredit ta’minoti sifatida garovga qo‘yilgan transport vositalarini sotishdan tushgan 142 mln so‘mni kredit to‘loviga yo‘naltirmasdan, bank xodimi A.A.ning nomiga naqd pul ko‘rinishida chiqim qilib, o‘zlashtirish yo‘li bilan talon-toroj qilgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)