Криштиану Роналду яна бир рекорд ўрнатди

Португалиялик футболчи Криштиану Роналду Европа Чемпионатидаги иштирок бўйича рекордчига айланади.

Португалия терма жамоаси Евро—2024 учун якуний қайдномани эълон қилди. Криштиану таркибдан жой олди. Германияда бўлиб ўтадиган турнир 39 ёшли футболчи учун фаолиятидаги олтинчиси бўлади.

Роналду 6-Европа Чемпионатида иштирок этади ва бу борада биринчи ўринга кўтарилиб олади. Испания терма жамоаси собиқ дарвозабони Икер Касиляс ҳисобида 5 та Европа Чемпионати бор.

Роналду илк бор 2004 йилда мусобақада иштирок этган. Ўшанда Португалия билан бирга финалга чиққан. Бироқ ҳал қилувчи ўйинда Грецияга мағлуб бўлган.

2016 йилги турнирда эса ғолибликни қўлга киритган. Финалда Португалия терма жамоаси Франциядан устун келган.