Saudiya Arabistoni chempionatining 32-turidan o‘rin olgan “An-Nassr” hamda “Al-Hilol” jamoalari o‘rtasidagi turning markaziy uchrashuvi bo‘lib o‘tdi.
Uchrashuvning 1-daqiqasida mezbonlar vakili Edmilson hisobni ochdi. Birinchi bo‘lim “An-Nassr” ustunligida yakuniga yetdi.
Ikkinchi bo‘limda har ikki darvoza oldida xavfli vaziyatlar yuzaga keldi. Ammo uchrashuvning asosiy daqiqalari so‘ngigacha hisob o‘zgarmadi. Hakam tomonidan qo‘shib berilgan daqiqalarda “Al-Hilol” penalti tepish huquqiga ega bo‘ldi. 11 metrlik nuqtaga yaqinlashgan Mitrovich mo‘ljalda adashmadi.
Shu tariqa “An-Nassr” qo‘shib berilgan daqiqalarda urilgan gol sabab g‘alabadan quruq qoldi.
- Qiziqarlisi, “Al-Hilol” chempionatda mag‘lubiyat nimaligini bilmay kelmoqda. Bu klubning uchinchi durangi hisoblanadi. Jamoa qolgan 29 o‘yinda raqiblar ustidan g‘alaba qozongan.
- Ushbu o‘yinda Ronaldu o‘z hisobiga gol yozib qo‘ya olmadi. Bu portugaliyalik futbolchining “Al-Hilol” bilan to‘rtinchi to‘qnashuvi. Ronaldu 4 uchrashuvdan buyon “Al-Hilol” darvozasiga yo‘l topa olmayapti.
Izoh (0)