Toshkent shahrida noqonuniy yo‘llar bilan Janubiy Koreyaga ishga yuborishni va’da qilgan shaxs qo‘lga olindi, deb xabar beradi Bosh prokuratura huzuridagi departament.
Qayd etilishicha, departamentning Uchtepa tuman bo‘limi va DXX xodimlari hamkorligida tezkor tadbir o‘tkazilgan. Tadbirda A.O. ismli shaxs fuqaro B.K.ning ishonchiga kirib, uni 7 ming dollar evaziga Janubiy Koreyaga ishga yuborishini vaʼda qilib, oldindan 3,5 ming dollarni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Farg‘onada 10 ming dollar evaziga Koreyaga o‘qishga va ishga yuborishni va’da qilgan firibgar ushlangani to‘g‘risida xabar berilgandi.
Izoh (0)