Тошкент шаҳрида ноқонуний йўллар билан Жанубий Кореяга ишга юборишни ваъда қилган шахс қўлга олинди, деб хабар беради Бош прокуратура ҳузуридаги департамент.
Қайд этилишича, департаментнинг Учтепа туман бўлими ва ДХХ ходимлари ҳамкорлигида тезкор тадбир ўтказилган. Тадбирда А.О. исмли шахс фуқаро Б.К.нинг ишончига кириб, уни 7 минг доллар эвазига Жанубий Кореяга ишга юборишини ваъда қилиб, олдиндан 3,5 минг долларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Аввалроқ Фарғонада 10 минг доллар эвазига Кореяга ўқишга ва ишга юборишни ваъда қилган фирибгар ушлангани тўғрисида хабар берилганди.
Изоҳ (0)