Qosim-Jo‘mart To‘qayev 20-may kuni Qozog‘iston va O‘zbekiston o‘rtasida ittifoqchilik munosabatlari to‘g‘risidagi shartnomani ratifikatsiya qilsh to‘g‘risidagi qonunni imzoladi. Bu haqda prezident matbuot xizmati xabar berdi.
Tegishli bitim ikki davlat rahbarlari tomonidan 2022-yil 22-dekabr kuni Toshkent shahrida imzolangan, O‘zbekiston uni 2023-yil dekabrda ratifikatsiya qilgandi.
Shartnomaning asosiy maqsadi ikki mamlakat mustaqilligi, suvereniteti, hududiy yaxlitligini va barqaror iqtisodiy rivojlanishini yanada mustahkamlashga qaratilgan davlatlararo munosabatlarning yangi bosqichini shartnoma-huquqiy jihatdan mustahkamlashdan iborat.
Shartnoma tashqi siyosat, mudofaa va xavfsizlik, migratsiya, sanoat kooperatsiyasini rivojlantirish, transchegaraviy suv resurslaridan oqilona foydalanish bo‘yicha qo‘shma chora-tadbirlarni qabul qilish, parlamentlar, siyosiy partiyalar va jamoat tashkilotlari o‘rtasidagi aloqalarni mustahkamlash kabi sohalarda yaqin hamkorlikni nazarda tutadi.
Izoh (0)