Ozod Oxunov “Issiqlik elektr stansiyalari” AJ boshqaruvi raisining birinchi o‘rinbosari etib tayinlandi. Bu haqda Energetika vazirligi matbuot xizmati xabar berdi.
Tayinlovga qadar u Energetika vazirligining Elektr energiyasini ishlab chiqarish bo‘limi boshlig‘i lavozimida faoliyat yuritgan.
2023-yilning iyul oyida Bahodir Jo‘rayev “Issiqlik elektr stansiyalari” AJ boshqaruvi raisi etib tayinlangan edi. Jo‘rayev bunga qadar “Issiqlik elektr stansiyalari” AJ boshqaruvi raisi vazifasini bajaruvchi sifatida faoliyat yuritib kelayotgandi.
Ma’lumot uchun, “Issiqlik elektr stansiyalari” aksiyadorlik jamiyati elektr energiyasi ishlab chiqarish vazifasini amalga oshirib, mamlakat iqtisodiyoti va aholisining ehtiyojlarining qondirilishini ta’minlash maqsadida belgilangan miqdorda elektr energiyasi va issiqlik energiyasi ishlab chiqarishini ta’minlaydi. Jamiyat tarkibiga 4 ta issiqlik elektr stansiyalari, 3 ta issiqlik elektr markazlari, 3 ta soha korxonalariga xizmat ko‘rsatuvchi tashkilotlar va “Тоshkent issiqlik markazi” MCHJ kiradi.
Izoh (0)