Suratga olish maydonchasida hamkasblarini o‘ldirib qo‘yishiga oz qolgan aktyorlar

Tomoshabinlar uchun suratga olish maydonchasi qanchalik qiziqarli va ajoyib bo‘lib ko‘rinsa ham, kamera qarshisida ishlash hatto eng tajribali xavfsizlik koordinatori bilan ham ba’zan xavfli bo‘lishi mumkin.

Xiroyuki Sanada Tom Kruzning boshini kesib tashlashiga oz qolgan

Tom Kruz va suratga olish maydonchasidagi hamkasbi Xiroyuki Sanada mexanik otlarga minib, haqiqiy qilich bilan jang qilishlari kerak bo‘lgan sahna suratga olinadi. Bir payt Sanada Kruz tomonga egilib ketadi, biroq u oti tufayli chetlab o‘tishga majbur bo‘ldi.

Ammo mexanizm-ot ishlamay qoladi, natijada Sanada vaziyatni o‘zi hal qilishiga to‘g‘ri keladi. Bu unchalik oson emasdi, chunki u ikkinchi qo‘li bilan otni boshqargan. Aktyorning qilichi Kruzning bo‘ynidan bir necha santimetr naridan o‘tib ketadi. Ayni shu kadrdagi fonda suratga olish guruhining qichqiriqlari eshitilib qolgan — ular Kruzning boshi yelkasidan uchib ketdi, deb o‘ylashgan.

Kris Louell Keri Malliganni yostiq bilan bo‘g‘ib o‘ldirib qo‘yay degan

Filmdagi eng kutilmagan kadrlardan biri partnyori Keri Malliganni yostiq bilan bo‘g‘ib qo‘ygan payt edi. Ushbu sahnaning suratga olinishi ikki daqiqa davom etgan.

Film rejissyori Emerald Fennell ularga sahnani ishonarli tarzda o‘ynashni taklif qiladi. Kadr xavfsiz o‘tishi uchun Louell aktrisaga jiddiy zarar yetkazishidan oldin uni to‘xtatishi kerak bo‘lgan kaskadyor-koordinator boshqaradi. Sahna bir necha marta suratga olinadi. Oxirgi kadrda aktyor Malliganni haqiqatan ham bo‘g‘a boshlaydi. Yaxshiyamki, u o‘z vaqtida to‘xtatiladi, Malligan esa yostiqni yuzidan olib tashlab, yig‘lay boshlaydi.

Jerard Batler Hilari Suonkka jarohat yetkazgan

Garchi filmda Batlerning qahramoni halok bo‘lsa ham aynan Hilari Suonk suratga olish paytida hayot bilan xayrlashishiga oz qoladi. Aktrisa intervyularidan birida kulgili ko‘ringan sahnani suratga olish vaqtidagi noxush holat bilan o‘rtoqlashadi: qisqa kadrda aktyor Suonk oldida faqat kalta shorti va ilgaklar (podtyajka)da raqsga tushadi, bu esa oxir-oqibat dahshatli fojiaga olib keladi.

Film ijodkorlari deyarli bir yarim kun davomida mazkur sahnani suratga olgan, Batlerning o‘zi ham “shorti kiygan ahmoq kabi raqsga tushgan”. To‘satdan timsohning og‘ziga o‘xshagan ilmoqdagi qisqich chiqib ketadi. Aktyorning boshi uzra uchib o‘tib, Suonkning boshiga tegib, terisini kesib tashlaydi. Aktrisani shoshilinch kasalxonaga olib borishga to‘g‘ri keladi. 

Emiliya Klark Semyuel L. Jeksonni mashinada bosib ketishiga oz qolgan

Marvel olami o‘zining qimmatli xodimlaridan biri — Samuel L. Jeksonni deyarli yo‘qotib qo‘yay degan. Yahoo! Entertainment’ga bergan intervyusida aktrisa suratga olish maydonchasida aktyorni o‘ldirib qo‘yishiga oz qolganini aytib beradi — sahnaga tayyorgarlik ko‘rish uchun vaqt yo‘qligi sababli noxush holat sodir bo‘ladi. Klarkning so‘zlariga ko‘ra, aktrisani u ilgari boshqarmagan mashinaga o‘tqazishgan. Ammo Klarkning uni haydashni o‘rganishga vaqti yo‘q edi.

Aktrisa tavakkal qiladi va rulga o‘tiradi — natijada halokatli xatoga yo‘l qo‘yadi: u tormoz o‘rniga gazni bosadi. Bu orada Jekson yo‘lidan chiqib qoladi. Yaxshiyamki, Klark vaziyatni fojiaga aylantirmasdan oldin o‘zini tutib oladi va tormozni bosadi. Jekson u bilan urishmaydi, jentlmenlarcha harakat qiladi. Emiliya esa yig‘laydi.

Dolf Lundgrem sabab Silvestr Stallone kasalxonaga tushib qoladi

“Rokki” franshizasining filmlari qonli va shiddatli bo‘lib, bu boks uchrashuvlarida yaqqol namoyon bo‘ladi. Keyinchalik ma’lum bo‘lishicha, bu janglardan biri Silvestr Stallone uchun deyarli halokatli bo‘lgan. “Rokki 4” filmidagi final o‘yinini suratga olish chog‘ida rejissyor sifatida ham ishlagan Stallone o‘zining ekrandagi raqibi Dolf Lundgrendan “haqiqatda urishni” so‘raydi. Bokschi Stallonening ko‘kragiga shu qadar qattiq zarba beradiki, u to‘qqiz kun reanimatsiyada yotadi.